"لو انت فاكر إنك خلاص فهمت كتاب "الأب الغني والأب الفقير"؟ اسمحلي أقولك: فكر تاني!"
"إيه رأيك لو قلتلك إن بعض "الحقايق" اللي كلنا بنرددها من الكتاب، هي نفسها اللي ممكن تكون معطلاك عن تحقيق أهدافك المالية؟ إحنا النهاردة هنتحدى التفسيرات اللي الكل مسلم بيها، وهنكشف الأساطير الحديثة اللي ممكن تكون بتبوظ رحلتك المالية كلها من غير ما تحس."
"أول وأخطر خرافه او أسطورة حديثة اتبنت على الكتاب هي الهوس بفكرة الدخل السلبي. كل الناس بقت بتجري ورا حلم إنهم يقعدوا على البحر والفلوس بتنزل عليهم من السما. كيوساكي نفسه هو اللي رسخ الفكرة دي."
"لكن الحقيقة المرة ؟ مفيش حاجة اسمها "دخل سلبي" بالمعنى الحرفي للكلمة! أي أصل بيجيبلك فلوس محتاج مجهود.
- العقارات؟ محتاجة صيانة، متابعة مستأجرين، تحصيل إيجار، حل مشاكل. ده شغل!
- الأسهم؟ محتاجة بحث ومتابعة مستمرة للسوق والأخبار عشان تعرف تشتري إيه وتبيع إمتى. ده شغل!
- قناة يوتيوب أو كورس أونلاين؟ محتاجين تحديث مستمر، تسويق، ورد على المتابعين. ده شغل برضه!"
"الفكرة الصح مش "الدخل السلبي"، لكن اسمها "الدخل القابل للتوسع"
يعني الدخل اللي مجهودك فيه مش مرتبط مباشرة بعدد ساعات الشغل. أنت ممكن تعمل كورس مرة واحدة، بس تبيعه لمليون واحد. المجهود هنا في الأول، لكن العائد بتاعه قابل للتوسع بشكل ضخم. الوهم بتاع إنك مش هتعمل أي مجهود ده هو اللي بيخلي الناس تقع في فخ النصبات والكورسات الوهمية اللي بتوعدك بالثراء بدون تعب."
الخرافة التانيه الوظيفة فخ - شيطنة "الوظيفة" بشكل مبالغ فيه
"الكتاب بيصور الوظيفة كأنها العبودية الجديدة، وإن الموظف ده مجرد "فأر في سباق". الفكرة دي خلت جيل كامل عنده كراهية للوظيفة، وبيحس بالذنب أو الفشل لمجرد إنه موظف."
"والحقيقة الصادمة الوظيفة ممكن تكون أقوى أصل تمتلكه في بداية رحلتك المالية! إزاي؟"
- مصدر التمويل: من غير مرتبك الثابت، هتجيب منين فلوس عشان تشتري الأصول اللي كيوساكي بيتكلم عنها؟ الوظيفة هي اللي بتمول استثماراتك الأولى.
- **:رافعة مالية:**البنوك مش هتسلف واحد معندوش وظيفة أو مصدر دخل ثابت عشان
يشتري عقار. وظيفتك هي اللي بتديلك القوة دي قصاد البنك
- 3مدرسة المهارات: لو اخترت وظيفتك صح، هتتعلم مهارات ببلاش (مبيعات، إدارة، تفاوض) صعب جداً تتعلمها لوحدك. دي مهارات هتستخدمها بعدين في البيزنس بتاعك.
"المشكلة مش في الوظيفة نفسها، المشكلة في العقلية. لو أنت موظف وبتصرف كل مرتبك على الخصوم (عربية جديدة، موبايل أحدث)، يبقى أنت فعلًا في سباق الفئران. لكن لو بتستخدم مرتبك عشان تبني محفظة أصول، يبقى وظيفتك دي هي الصاروخ اللي بيطلق بيك للحرية المالية، مش السجن اللي حابسك."
الخرافة الثالثه - "لا تدخر المال، استثمره"
"دي من أشهر جمل كيوساكي، وهو بيقولها عشان التضخم بيقلل قيمة الفلوس اللي متخزنة. فبيقولك بدل ما تحوش، اشتري أصول."
"والحقيقة الصادمة الجملة دي ناقصة حتة مهمة جداً، ولو مشيت وراها حرفياً هتلبس في الحيط. الحقيقة هي: لازم تدخر الأول!"
"قبل ما تفكر تستثمر في أي حاجة، لازم يكون عندك
صندوق طوارئ
ده مبلغ متخزن في حساب سهل تسحب منه، يغطي مصاريفك الأساسية من 3 لـ 6 شهور. ليه؟"
"لأن الحياة مش وردي. ممكن فجأة تفقد وظيفتك، أو تحصل أزمة صحية، أو عربيتك تحتاج تصليح كبير. لو كل فلوسك في استثمارات طويلة الأجل زي العقارات أو الأسهم، هتعمل إيه؟ هتضطر تبيع أصولك دي في وقت وحش وبسعر رخيص عشان تغطي المصاريف الطارئة، وبكده بتدمر خطتك الاستثمارية كلها."
"فالترتيب الصح هو:
- ابني صندوق الطوارئ بتاعك الأول (ادخار).
- بعد كده، أي فائض مالي استثمره في أصول (استثمار).
"فكرة إن الادخار شر مطلق دي فكرة خطيرة، الصح هو التوازن بين الادخار للأمان والاستثمار للنمو."
الخرافة الرابعه: رباعية التدفق النقدي
"كيوساكي قسم الناس لأربع فئات حسب طريقة كسبهم للفلوس:
- E الموظف، اللي عنده وظيفة.
- S صاحب العمل الحر أو المتخصص، زي الدكتور اللي عنده عيادة أو المحامي اللي عنده مكتب. ده بيمتلك وظيفة.
- B صاحب البيزنس، اللي عنده سيستم وناس بتشتغل عشانه.
- I المستثمر، اللي فلوسه بتشتغل عشانه."
"والأسطورة اللي انتشرت بتقول إيه؟ بتقول إنك لازم تهرب من الـ
E والـ S
بأي طريقة،
وتجري على
الـ B
والـ I
عشان تحقق الحرية المالية. كأن الربعين دول هما الجنة،
والربعين دول هما الجحيم."
"النهاردة بقى، أنا جاي أهدلكم الأسطورة دي. جاي أقولكم إن فكرة إنك لازم تسيب شغلك عشان تبقى غني، دي أكبر كذبة ممكن تصدقها وتدمر بيها مستقبلك."
"الناس بتبص للربع
E
(الموظف)
والربع
S
(صاحب العمل الحر)
كأنهم فخ. والحقيقة إنهم ممكن يكونوا أقوى نقطة انطلاق ليك. إزاي؟"
"خلينا نمسك الربع
E (الموظف)
الأول. زي ما قلنا ، وظيفتك دي بتديلك:
- تدفق نقدي ثابت
- المرتب ده هو البنزين اللي هتحطه في عربية استثماراتك. من غيره، العربية مش هتمشي.
- خبرة ببلاش: بتتعلم مهارات وبتفهم السوق وبتعمل علاقات. أنت بتاخد فلوس عشان تتعلم!
- أمان مؤقت: الأمان ده بيديلك مساحة نفسية إنك تاخد مخاطر محسوبة في استثماراتك من غير ما تكون قلقان هتاكل وتشرب منين بكرة."
"الموظف الشاطر مش هو اللي بيستنى المرتب آخر الشهر، لأ. هو اللي بيستخدم وظيفته كـ "حاضنة أعمال"
لأفكاره الاستثمارية. بيقتطع جزء من مرتبه كل شهر يبني بيه محفظة أصول في الربع
I (المستثمر)."
ايعني فكره ان التعلم والوظيفة فخ!"
"دي أشهر فكرة الناس خدتها من الكتاب وبقت شعار: "التعليم مضيعة للوقت والوظيفة دي سباق فران
عمرك ما هتكسبه". كيوساكي نفسه بيهاجم فكرة التعليم التقليدي ."
"والحقيقة ان الفكرة دي خطيرة جداً لو اتاخدت بشكل سطحي. كيوساكي مكنش بيقولك سيب تعليمك واقعد في البيت. هو كان بينتقد نظام التعليم اللي بيركز على تخريج موظفين بس، مش رواد أعمال أو مستثمرين. كان بيقول "اشتغل عشان تتعلم، مش عشان تكسب بس". يعني اختار وظيفة تديلك مهارات (زي المبيعات، التسويق، التفاوض) تقدر تستخدمها بعد كده في مشروعك الخاص."
"في القرن ال 21، المهارة أهم من الشهادة أحياناً، ده حقيقي. بس ده مش معناه إن التعليم ملوش لازمة. بالعكس، التعليم المالي هو أهم حاجة كيوساكي بيركز عليها. اتعلم عن الأسهم، عن العقارات، عن العملات الرقمية زي البيتكوين اللي كيوساكي نفسه بقى من أكبر الداعمين ليها وبيتوقع توصل لأسعار خيالية. اتعلم إزاي تدير فلوسك. ده هو التعليم الحقيقي اللي قصده."
"ونيجي للربع
S (صاحب العمل الحر).
ده أخطر ربع فيهم، ليه؟ لأنك لو فضلت فيه، أنت بتبقى عبد لشغلك. لو وقفت شغل، الفلوس بتقف. لكنه في نفس الوقت أفضل معمل تجارب."
"في الربع ده، أنت بتتعلم إزاي تجيب عملاء، إزاي تسوق لنفسك، إزاي تدير حساباتك. دي بالظبط المهارات اللي محتاجها عشان تنتقل للربع
B (صاحب البيزنس).
الفرق بين الـ
S والـ B
هو كلمة واحدة: السيستم
"صاحب العمل الحر
(S)
هو السيستم. لو غاب، كل حاجة بتقع.
صاحب البيزنس
(B)
بيبني سيستم (موظفين، عمليات، تكنولوجيا) هو اللي بيشغل البيزنس، سواء هو موجود أو لأ."
"فالربع
S
هو الجسر اللي بيعديك من مجرد شخص بيبيع وقته. لواحد بيبني كيان أكبر منه."
و السر الحقيقي هنا وهو انك - تبني الأصول أثناء وجودك في وظيفتك!
"وهنا بقى خلاصة الزتونة كلها. الهدف مش إنك تقدم استقالتك بكرة الصبح وتصرخ في الشارع"أنا حر!". ده جنان. الهدف هو إنك تبدأ تبني مصادر دخل من الربع
B
والربع
I
وإنت لسه في أمان الربع
E
أو
الـ
S."
"الفكرة مش الانتقال، الفكرة هي التوسع. أنت مش بتسيب مربع وتروح للتاني، أنت بتضيف مربعات جديدة لحياتك."
"والسوال ازاي تعمل ده
- وإنت موظف
- (E):
- اقتطع 10-20
- %
- من مرتبك شهرياً وحطهم في صناديق استثمار
- أو أسهم شركات قوية. بكده أنت بقيت في الربع
- I.
- في وقت فراغك، ابدأ بيزنس جانبي صغير أونلاين
- ممكن تبيع منتجات، تقدم استشارات في مجالك، تعمل قناة يوتيوب. بكده أنت بدأت تحط رجل في الربع
- S
- وممكن تطوره للربع
- B.
- لو إنت صاحب عمل حر
- (S):
- ابدأ وثق كل حاجة بتعملها واعملها في شكل عمليات وإجراءات
- عيّن أول مساعد ليك
- (ممكن يكون مساعد افتراضي
- يبدأ يشيل من عليك المهام المتكررة. أول ما تعمل كده، أنت بدأت تتحول من
- S
- إلى
- B.
- استخدم أرباحك الزيادة عشان تستثمرها في أصول تانية (عقارات، أسهم). بكده أنت بتفعّل الربع
- I."
"الحرية المالية الحقيقية مش إنك معندكش وظيفة. الحرية المالية الحقيقية هي لما يكون الدخل اللي جايلك من الربع
B
والربع
I
أكبر من مصاريفك الشهرية. ساعتها بس، قرار إنك تسيب وظيفتك في الربع
E
أو
الـ
S
بيبقى اختيار، مش ضرورة. وده فرق السما من الأرض."
بس أنا سامع واحد هناك بيقولي: "يا عم أنت كلامك حلو وكل حاجة، بس ده للناس اللي معاها فلوس. أنا على الله حكايتي، أجيب منين فلوس أشتري بيها أصول وعقارات وأسهم؟ الاستثمار ده لعبة الأغنياء وبس"."
ودي الخرافة الخامسه
"النهاردة بقى، أنا جاي أقولك إن الجملة دي هي أكبر كذبة أنت بتقنع بيها نفسك عشان متتحركش. جاي أثبتلك إنك بالـ 100 جنيه دي، أو حتى أقل، تقدر تبدأ رحلتك كمستثمر النهارده، دلوقتي. هننسف تماماً فكرة إنك محتاج رأس مال ضخم عشان تطبق مبادئ "الأب الغني"."
("الاستثمار مش للأغنياء.. الاستثمار هو اللي بيعمل الأغنياء")
"ليه الناس بتفتكر إن الاستثمار محتاج فلوس كتير؟ لأن زمان، ده كان حقيقي. عشان تشتري سهم، كنت محتاج تروح لسمسار وتشتري حزمة أسهم على بعضها. عشان تشتري عقار، كنت محتاج مئات الآلاف أو ملايين."
"لكن اللعبة اتغيرت 180 درجة. التكنولوجيا كسرت كل الحواجز دي. فكرة إنك محتاج تكون مليونير عشان تبدأ دي فكرة من العصر الحجري المالي. النهاردة، التليفون اللي في إيدك ده هو بوابتك لعالم الاستثمار."
"خلينا نتكلم عملي. إزاي تبدأ تستثمر بفلوس قليلة جداً؟"
وهنتكلم عن أدوات الاستثمار للغلابة (في القرن ال 21)
اولا
"انسى بقى صورة المستثمر اللي لابس بدلة وقاعد قدام 10 شاشات في وول ستريت. المستثمر الجديد هو أنت، قاعد على كنبتك، وبتفتح تطبيق على موبايلك.
فيه 3 طرق أساسية تخليك تبدأ بفتات الفلوس:"
1. الأسهم الكسرية "زمان عشان تشتري سهم في شركة عملاقة زي أمازون أو آبل، كنت محتاج مئات الدولارات عشان تشتري سهم واحد بس. النهاردة، فيه حاجة اسمها الأسهم الكسرية. يعني تقدر تشتري حتة من السهم. تقدر تقول للتطبيق: "أنا عايز أستثمر بـ 5 دولار بس في شركة آبل". التطبيق هياخد الـ 5 دولار بتاعتك ويشتريلك 0.02% (كمثال) من السهم. أنت كده بقيت شريك في آبل يا معلم! فيه تطبيقات
في مصر بتعمل كد، وفيه كمان تطبيقات عالمية
بتوفرلك الميزة دي. مبقاش ليك حجة."
ومعروفه كمان التطبيقات دي انا بس مش عايز اكون معلن ليهم
2. صناديق الاستثمار العقاري "لو بتحلم تمتلك عقارات وتجيلك إيجارات كل شهر زي ما كيوساكي بيقول؟ بس معندكش تمن شقة؟ اوضه وحمام فيه حاجة اسمها صناديق الاستثمار العقاري المتداولة
دي عبارة عن
شركات عملاقة بتمتلك وتدير مولات ضخمة ومباني إدارية وأبراج سكنية، وأسهم الشركات دي مطروحة في البورصة. لما بتشتري سهم
كأنك اشتريت حتة صغيرة في كل العقارات دي. والشركات دي مجبرة قانوناً توزع معظم أرباحها (اللي هي الإيجارات) على المساهمين. يعني تقدر تشتري سهم بـ 10 أو 20 دولار، ويبدأ يجيلك توزيعات أرباح كأنها "إيجار" رمزي. أنت كده بقيت مستثمر عقاري!"
3. صناديق المؤشرات "لو خايف تختار شركة غلط وتخسر فلوسك؟ مش عايز وجع دماغ؟ الحل في صناديق المؤشرات
الصندوق ده عامل زي "سلة" فيها أسهم أكبر 30 شركة في مصر
أو أكبر 500 شركة في أمريكا
لما بتشتري سهم واحد في الصندوق ده، كأنك اشتريت حتة صغيرة في كل الشركات دي مرة واحدة. ده بيقلل المخاطرة جداً عن طريق التنويع، وبيخليك تستثمر في السوق كله بضغطة زرار وبتكلفة قليلة جداً."
"طيب، ممكن واحد يقولي: "حلو الكلام ده، بس أنا لو استثمرت 100 جنيه كل شهر، هبقى مليونير إمتى؟ بعد 300 سنة؟"."
"وهنا بقى لازم تفهم أقوى سلاح في لعبة الاستثمار كلها، السلاح اللي الأغنياء نفسهم بيستخدموه: قوة التراكم أو الفائدة المركبة
"ألبرت أينشتاين سماها "عجيبة الدنيا الثامنة". ببساطة، معناها إن أرباحك هي كمان بتبدأ تجيبلك أرباح. الموضوع مش مجرد جمع، الموضوع بيتحول لضرب."
"تخيل معايا:
- أنت استثمرت 100 جنيه.
- بعد سنة، كسبت 10%، فبقى معاك 110 جنيه.
- السنة اللي بعدها، أنت مش هتكسب على الـ 100 جنيه الأصلية بس، أنت هتكسب على الـ 110 كلها. فالـ 10% هتبقى 11 جنيه مش 10. بقى معاك 121 جنيه.
- السنة اللي بعدها، هتكسب على الـ 121... وهكذا."
"في الأول، الأرقام بتبقى صغيرة ومملة. لكن مع الوقت، ومع استمرارك في إضافة 100 جنيه كل شهر، المنحنى بيبدأ يطلع لفوق بشكل خرافي. الـ 100 جنيه الشهرية دي على مدار 20 أو 30 سنة، ممكن تتحول لمئات الآلاف ويمكن ملايين. السر مش في حجم المبلغ اللي بتبدأ بيه، السر في الاستمرارية والوقت."
"الاستثمار مش سباق 100 متر، ده ماراثون. واللي بيبدأ بدري، حتى لو بخطوات صغيرة، بيوصل أبعد بكتير من اللي مستني يبقى معاه مبلغ كبير عشان يبدأ."
بنينا مع بعض عقلية المستثمر خطوة بخطوة. بس فيه فكرة واحدة من أفكار "الأب الغني" لو فهمتها غلط، ممكن تدمر كل اللي بنيناه ده في لحظة. الفكرة دي هي الدَّين
ودي الخرافه السادسه وهي "استخدم فلوس البنك"
"كيوساكي بيقول جملة مشهوره: "الأغنياء بيستخدموا الدَّين عشان يزدادوا غنى". ومن هنا، طلعت أسطورة خطيرة جداً: إن أي دَين بتاخده عشان تعمل بيه بيزنس أو تشتري بيه أصل، هو "دَين جيد"
وحلال ومية مية. وإن الدَّين اللي بتجيب بيه حاجات شخصية هو بس اللي "دَين سيئ"
"النهاردة، أنا جاي أقولكم إن التبسيط ده هو وصفة للخراب المالي. جاي علشان نفرق بين الدَّين اللي بيبني الثروة، والدَّين اللي بيمحيها، حتى لو كان اسمه "دَين بيزنس". وهقولك على أهم شرط لازم تعمله قبل ما تفكر حتى إنك تستلف جنيه واحد."
اولا مش كل دَين بيزنس هو "دَين جيد"
"الخرافة بتقول: لو استلفت عشان أشتري عربية أتباهى بيها، ده دَين سيئ. لكن لو استلفت عشان أفتح كافيه، ده دَين جيد. الكلام ده صح؟ لأ، مش بالضرورة!"
"الدَّين عامل زي النار بالظبط. ممكن تستخدمها عشان تدفي بيتك وتطبخ أكلك، وممكن تحرق البيت باللي فيه. الفرق مش في النار نفسها، الفرق في اللي بيستخدمها وإزاي بيستخدمها."
"الدَّين اللي بتاخده عشان تفتح بيه مشروع أنت مش فاهم فيه حاجة، ومش عامل دراسة جدوى، وفاكر إن الفلوس لوحدها هتنجح البيزنس... ده مش دَين جيد، ده انتحار مالي! ده أسوأ من دَين العربية، لأنك هنا بتخاطر بمبلغ أكبر بكتير وهتلاقي نفسك في الآخر خسرت المشروع ومديون للبنك."
"إذًا إيه هو التعريف الحقيقي للدَّين الجيد؟"
"انسى بقى قصة "بيزنس وشخصي". التقسيمة الحقيقية هي دي:"
1. الدَّين المنتج "ده الدَّين اللي بيحقق شرطين، الاتنين مع بعض، مش واحد بس:
- الشرط الأول: الفلوس دي بتستخدمها عشان تشتري أصل
- الشرط الثاني: الأصل ده بيولد تدفق نقدي
- أعلى من قسط الدَّين نفسه."
"مثال: لو استلفت من البنك عشان تشتري شقة، وقسطك الشهري 5,000 جنيه. لو قدرت تأجر الشقة دي بـ 7,000 جنيه شهرياً، يبقى أنت كده معاك دَين منتج. ليه؟ لأن الأصل اللي اشتريته (الشقة) بيدخل في جيبك كل شهر 2,000 جنيه زيادة بعد ما سددت قسطه. أنت كده حرفياً بتخلي البنك هو اللي يشتريلك الأصل، والمستأجر هو اللي يسدد أقساط البنك، وأنت بتاخد الفرق في جيبك."
2. الدَّين المدمر "ده أي دَين تاني غير كده. أي دَين بيطلع فلوس من جيبك كل شهر.
- قرض العربية: دَين مدمر.
- فلوس على الكريديت كارد عشان تشتري لبس: دَين مدمر.
- قرض عشان تفتح مشروع فاشل بيخسر كل شهر: ده أبشع أنواع الدَّين المدمر، لأنه بيستنزفك من ناحيتين: خسارة المشروع، وقسط القرض."
"شفتوا الفرق؟ المعيار مش "بيزنس ولا شخصي"، المعيار هو: الفلوس اللي بتستلفها دي بتدخل جيبك فلوس أكتر، ولا بتطلع من جيبك فلوس؟"
"طيب، ليه الأغنياء بيحبوا الدَّين المنتج؟ عشان حاجة اسمها الرافعة المالية
يعني استخدام قوة غيرك يعني(فلوس البنك) عشان تضاعف النتائج بتاعتك ."
"تخيل إنك معاك 100 ألف جنيه. لو اشتريت بيهم أصل وكسبت 10%، يبقى كسبت 10 آلاف جنيه."
"لكن لو رحت البنك، وحطيت الـ 100 ألف دي كمقدم، والبنك سلفك 900 ألف، واشتريت أصل بمليون جنيه. لو الأصل ده كسب 10%، يبقى كسب كام؟ 100 ألف جنيه! أنت استخدمت نفس الـ 100 ألف بتاعتك، بس كسبت 10 أضعاف. دي هي قوة الرافعة المالية."
"بس هنا بقى يكمن الفخ القاتل!"
"الرافعة المالية سلاح ذو حدين. زي ما بتضاعف أرباحك، هي بتضاعف خسائرك بنفس القوة. لو الأصل اللي اشتريته بمليون ده خسر 10%، يبقى أنت خسرت 100 ألف جنيه... يعني خسرت كل رأس مالك الأصلي في ضربة واحدة! ولسه عليك أقساط الـ 900 ألف للبنك."
"عشان كده، قبل ما تفكر تستخدم الرافعة المالية، قبل ما تفكر تستلف جنيه واحد، لازم يكون عندك أهم أصل على الإطلاق..."
"الثقافة المالية
"لازم تكون فاهم السوق اللي داخل فيه كويس جداً. لازم تكون بتعرف تحسب أرقامك وتعمل دراستك. لازم تكون مستعد لأسوأ سيناريو. الدَّين في إيد واحد جاهل مالياً عامل زي اللي بيدي طفل صغير موس حلاقة عشان يلعب بيه. النتيجة معروفة مسبقاً."
"فالدَّين مش صديق ولا عدو. الدَّين أداة. أداة محايدة وقوية جداً. في إيد الخبير الفاهم، بتبني إمبراطوريات. وفي إيد الجاهل المتهور، بتهد بيوت."
"نصيحتي ليك: ابدأ صغير. ابدأ بفلوسك أنت. ابني أول أصل ليك من مرتبك، من البيزنس الجانبي بتاعك. ولما تفهم اللعبة كويس، وتلاقي فرصة استثمارية أرقامها بتقول إنها هتكسبك أكتر من تكلفة الدَّين، ساعتها بس، وفقط ساعتها، ممكن تفكر تستخدم "الدَّين المنتج" بحذر شديد كخطوة لتسريع نموك."
"ماتخليش حماسك للثراء يخليك تدوس بنزين قبل ما تتعلم السواقة. اتعلم الأول، وبعدين انطلق."
الخرافه السابعه بيتك اللي انت ساكن فيه هو خصم وليس اصل
"قبل ما نهاجم الفكرة، لازم نفهم هو قالها ليه. تعريف كيوساكي للأصل بسيط وواضح: حاجة بتدخل فلوس في جيبك. والخصم: حاجة بتطلع فلوس من جيبك. بيتك اللي أنت ساكن فيه بيطلع من جيبك كل شهر (أقساط، صيانة، فواتير)، ومش بيدخل حاجة. من المنظور ده، هو خصم. كيوساكي كان عايز يصدمنا عشان يخلينا نركز على شراء الأصول اللي بتولد تدفق نقدي، وده هدف نبيل جداً."
"لكن المشكلة فين؟ المشكلة إن الناس خدت الجملة دي كقاعدة مطلقة ومقدسة. بقى فيه ناس بتخاف تشتري بيت، وناس حاسة بالذنب إنها اشترت بيت العمر، وفاكرين إنهم ارتكبوا جريمة مالية. والحقيقة إن النظرة دي قاصرة جداً في العالم النهارده."
"البيت مش مجرد أرقام وتدفق نقدي. البيت فيه قيمة غير ملموسة (الأمان، الاستقرار النفسي لعيلتك، بناء ذكريات) ودي حاجات الفلوس متقدرش تشتريها. لكن حتى لو سبنا كل ده وركزنا على الفلوس بس، فيه سيناريوهات كتير بيتحول فيها بيتك لأصل قوي جداً."
وهنا السوال متى يصبح بيتك "أصلاً"؟وفي كلمتين اقلك السياق هو الملك!
"المعادلة مش ثابتة، وبتعتمد على 3 حاجات أساسية: الموقع، ظروف السوق، وأهدافك المالية الشخصية."
بيتك هو عباره عن 3 حاجات
الأول: الأصل الصامت "كيوساكي بيركز على التدفق النقدي وبينسى أو بيتجاهل حاجة مهمة جداً اسمها الزيادة في القيمة الرأسمالية
لو أنت اشتريت بيتك في موقع صح، منطقة
جديدة بتتعمر، أو حي عليه طلب عالي، قيمة البيت نفسه بتزيد مع الوقت. ممكن بعد 10 سنين، تلاقي تمن بيتك تضاعف. الزيادة دي هي ربح رأسمالي ضخم. صحيح هو ربح "على الورق" ومش فلوس في إيدك كل شهر، لكنه ثروة حقيقية تقدر تستفيد منها لو بعت البيت أو أخدت قرض بضمانه. فبيتك هنا مش مجرد مأوى، ده حساب توفير ضخم بيكبر مع الزمن."
الثاني: القرصنة على البيت "وده المصطلح اللي بقى تريند جداً في عالم الاستثمار العقاري، وهو تطبيق مباشر وذكي جداً لأفكار كيوساكي. يعني إيه؟ يعني إنك تستخدم بيتك نفسه عشان يولد دخل يغطي مصاريفه ويفيض كمان.
- مثال 1: اشتريت فيلا دوبلكس. سكنت في دور وأجّرت الدور التاني. الإيجار اللي جاي بيغطي قسط البنك كله أو جزء كبير منه. بكده أنت حولت الخصم لأصل، وساكن شبه ببلاش!
- مثال 2: عندك شقة 3 غرف. سكنت في أوضة وأجّرت الأوضتين التانيين
- (سواء إيجار طويل أو حتى على
- Airbnb).
- إيرنب
- يعني إيجار سياحي أو مؤقت
- الدخل اللي جاي بيساعدك في المصاريف والأقساط.
- مثال 3: عندك جراج مش بتستخدمه؟ ممكن تأجره كمخزن لحد من جيرانك. "الـ House Hacking
- الهاوس هاكينج
- هو فن تحويل بيتك من مجرد مكان بتعيش فيه، لـ "آلة مالية" صغيرة بتشتغل معاك مش ضدك."
الثالث: الأصل الاستراتيجي " بيتك اللي تملكه ده بيديلك قوة اقتراضية ضخمة. لما تمتلك بيت قيمته بتزيد، البنوك بتبصلك بصة تانية. تقدر تاخد قرض بضمان البيت ده
وتستخدم الفلوس دي عشان تبدأ بيزنس أو تشتري أصل تاني
يولدلك دخل. في الحالة دي، بيتك بقى هو حجر الأساس اللي بتبني عليه إمبراطوريتك المالية." ففكرة إن البيت "خصم" على طول الخط دي فكرة محتاجة إعادة نظر. هو مش أصل بيجيب سيولة شهرية، لكنه أصل استثماري مهم."
"قبل ما أقولكم سلام، وقبل ما نقفل الحلقة دي، فيه رسالة أخيرة لازم توصل. رسالة هي جوهر كتاب "الأب الغني والأب الفقير" الحقيقي،
والسبب اللي بيخليه لسه مهم بعد كل السنين دي، رغم كل التغييرات اللي حصلت في العالم."
"بعد كل اللي قلناه، من السهل جداً إن حد يبص للكتاب ده على إنه مجموعة من الحيل أو الطرق المختصرة عشان تبقى غني بسرعة. "اشتري عقارات، استخدم ديون البنك، سيب شغلك". لكن لو خرجت من الحلقة دي بالانطباع ده بس، يبقى أنا فشلت في توصيل الرسالة."
"النهاردة، عايز أعيد صياغة الكتاب ده في جملة واحدة: "الأب الغني والأب الفقير" ليس دليلاً للثراء السريع، بل هو أول وأهم درس في مادة "الثقافة المالية" التي لم نتعلمها في المدرسة."
"لانك لو ركزت في كل قصص كيوساكي، هتلاقي إن البطل الحقيقي مش العقارات ولا الشركات. البطل الحقيقي هو الذكاء المالي
"إيه هو الذكاء المالي؟
- هو القدرة على التفكير النقدي في أي نصيحة مالية بتسمعها، حتى لو كانت مني أنا أو من روبرت كيوساكي نفسه.
- هو القدرة على قراءة الأرقام وفهم لغة المال، عشان تعرف تفرق بين الفرصة الحقيقية والفخ المنصوب.
- هو القدرة على التحكم في مشاعرك (الخوف والطمع) عشان تاخد قرارات عقلانية مش عاطفية."
"في اقتصاد النهاردة المتقلب، اللي فيه كل يوم بيظهر أصل جديد
وفرص جديدة بتلمع، الذكاء المالي مبقاش رفاهية، ده بقى أداة بقاء أساسية. الفلوس بتيجي وتروح، الأسواق بتطلع وتنزل، لكن ذكاءك المالي هو الأصل الوحيد اللي بيفضل معاك وبيكبر، ومحدش يقدر ياخده منك."
"فكرة تجميع الأصول اللي الكتاب بيتكلم عنها لسه صالحة 100%، لكن إيه هي الأصول دي بيتغير مع الزمن. عشان تعرف تختار الأصول الصح لعصرك، لازم يكون عندك البوصلة: الذكاء المالي."
انا عايز اقلك ابنِي استراتيجيتك الخاصة - أنت لست كيوساكي
"وهنا النقطة الأخيرة والأهم. روبرت كيوساكي بنى ثروته في ظروف اقتصادية معينة، وبشخصية معينة بتحب المخاطرة العالية. أنت مش هو. ظروفك مختلفة، شخصيتك مختلفة، وأهدافك في الحياة ممكن تكون مختلفة تماماً."
"الكتاب بيديلك المبادئ، لكن مش من المفترض إنك تنسخ استراتيجيته بالحرف. دورك أنت إنك تاخد المبادئ دي وتبني بيها استراتيجيتك الشخصية اللي تناسبك أنت."
- قد تكون استراتيجيتك أبطأ وأكثر أماناً: تعتمد على الاستثمار الشهري في صناديق المؤشرات لمدة 30 سنة. ودي استراتيجية ناجحة جداً.
- قد تكون استراتيجيتك أكثر جرأة: تعتمد على بدء بيزنس جانبي وتنميته لحد ما يبقى أكبر من وظيفتك. ودي برضه استراتيجية ناجحة.
- قد تكون استراتيجيتك مزيجاً: جزء آمن في الاستثمارات التقليدية، وجزء صغير للمخاطرة في أصول جديدة.
"مفيش مقاس واحد يناسب الجميع في عالم المال. النجاح هو إنك تبني خطة مالية بتخدم حياتك وأهدافك أنت، وتخليك تنام مرتاح بالليل."
"عشان كده، أنا مش هختم الحلقة دي وأنا بقولك "روح اشتري عقار". أنا هختمها وأنا بقولك: "روح اقرأ كتاب، احضر كورس، تابع قناة بتتكلم عن المال، ابدأ اتكلم مع شريك حياتك عن الأهداف المالية"."
"استثمر في عقلك أولاً."
"لأن لما عقلك يكبر، هتعرف بنفسك إيه هو الاستثمار الصح ليك. لما ثقافتك المالية تزيد، هتبدأ تشوف الفرص اللي غيرك مش شايفها."
"رحلة الألف ميل تبدأ بخطوة. والخطوة الأولى في رحلة حريتك المالية هي قرارك بأنك تتعلم. أتمنى إن الحلقة دي تكون هي الشرارة اللي بدأت بيها الخطوة دي."
"شكراً لكل واحد فيكم وصل معايا لآخر ثانية في الحلقه دي. فخور جداً بالرحلة اللي خدناها مع بعض. ماتنسوش، اللعبة لسه في أولها، والملعب كله بتاعكم."
"اشوفكم علي خير سلام